बल्न दिनुहोस् मुहारको बत्ती

• By Kite Sansar
• August 21, 2020
• 499
• 0

गजल

– नमिता दवाडी

बल्न दिनुहोस् मुहारको बत्ती, निभाई राख्नु अघि ।

आमा ! रातो राख्नुस् अक्षतामा बिदाइ राख्नु अघि ।

दर्जी दाइ ! पापी परेला राम्ररी खिपि दिनुहोस्,

मेरी छोरीको छोटो घाँगरमा सिलाई राख्नु अघि ।

तिम्रा बाले ठुलै मोल चुकाउनु भएको रहेछ जग्गेमा,

आज ! आफैं लट्टाई भै मलाई चङ्गा बनाई राख्नु अघि ।

ए हजुर ! सुन्नुस् न ! मलाई जंगली आमा हुन मन छ,

सभ्य बनेर, मेरी सानीलाई ढोँग सिकाइ राख्नु अघि ।।

मल्हमपट्टी उसैले गरिदिएको हो, दधारेका घाउहरुमा,

सँगै दौडिँदा, घुम्तीमा खुट्टा भाँचेर लडाइ राख्नु अघि ।

गोर्खा नेपाली कि श्रष्टा हाल न्युजल्याण्डमा बस्छिन्