ए युवाहरु हो !
- By Kite Sansar
- June 5, 2021
- 461
- 0
कविता
कुमारसेन क्षेत्री
उठौ, जुटौ बोलौ अन्यायमा परेका,
भोका नाङ्गा ए ! युवाहरु हो,
पुन देशमा क्रान्ति ल्याउन जागौ,
नवशक्ति ए युवाहरु हो
देश त पुरै खाइहाल्ने भए,
गद्दार देशका घातकहरुले,
केकसो गरेर हुन्छ परिवर्तन ल्याउनु छ,
ए युवाहरु हो
भोलि र पर्सि नहेरौ हामि लागौ,
तनमन कम्मर कसेर,
बन्दुक, बारुतको झोला
बोक्नुपर्ने नै भयो,
ए युवाहरु हो ।
मन्द मौनतामा बस्दा यहाँ
शोषक वर्गले मार्नै पो लागेछ,
देशमा पुन: अब अन्तिम युद्ध
लड्नैपर्ने भो,
ए युवाहरु हो ।
सुकुम्बासी गरिव बस्तीहरुमा
दिउसै रात पारिएकाे छ,
दलालको गुलाम बनि कति बस्ने अब,
ए युवाहरु हो ।
गास, बास र कपास, नपाई
तड्बियो गरिब जनता देशमा,
सत्यमा अडिग रहेर बिगुल फुक्नु छ यहाँ,
ए युवाहरु हो ।
नत विकास छ नत आहार छ यहाँ,
देश डुब्यो सँकटमा,
दलाल शाषकको ज्याजति चलेछ यहाँ,
ए युवा हरु हो ।
ताजा समाचार
