देशको दुर्दशामा हामी पनि त जिम्मेवार छौं
- By Kite Sansar
- September 3, 2020
- 531
- 0
गजल
नमिता दवाडी
दैव यसै खुसी भएन , चढाउन दाम भएन ।
भेटी बिना अपुरो ,पूजाको सर्जाम भएन ।
फुल बानी परेको रहेछ,उपहारमा तिमीलाई ,
आफैंलाई तिमीमा सुम्पिंदा पनि काम भएन ।
देशको दुर्दशामा हामी पनि त जिम्मेवार छौँ ,
बलियाको मनोमानीमा कतै ,रोकथाम भएन ।
यो हावाले तिमी छेउ पुर्याउला नपुर्याउला ,
कसरी पठाऊँ याद हुलाकी भएन,खाम भएन ।
घृणाको नाटक गर प्रिय !बाँच्नु छ दुनियामा भने ,
मायाकै कारण तिम्रो यतिसम्म बदनाम भएन !
ताजा समाचार
