“तिमी_हिड “

• By Kite Sansar
• August 17, 2020
• 549
• 0

विरेन्द्र शाह

तिमी हिड कि तिमिले

तिमी हिड कि तिमिले

अझै धेरै अग्ला पहाडहरु चडनु छ,

तिमी हिड कि

सधैं ठोक्कर खाने तिम्रा खुट्टाहरुले

धेरै ढुङ्गाहरु लाई ठोक्कर हान्नु छ !

तिमी हिड कि तिम्रा

हातहरुमा जकडिया

धेरै बन्धनका जन्जिरहरु चुडाल्नु छ,

तिमी हिड कि तिमिले

तिम्रा विरुद्धमा खडा गरिएका

कालो कानुनका दस्तावेजहरु खारेज गर्नुछ !

आखिर….

सहन्छौ अत्याचार कहिले सम्म ?

यो समाज बाट ठगिन्छौ कहिले सम्म ?

विचार मात्रै गर्छौ कहिले सम्म ?

आकाश छुन आतुर

तिम्रा पखेटाहरु काटिने कहिले सम्म ?

फक्रीदै गरेका

तिम्रा सपनाहरु टुटिरहने कहिले सम्म ?

लामो यात्रा तय गर्न अघि बढेका

तिम्रा खुट्टाहरुमा नेल कहिले सम्म ?

चिता बनी जल्छौ कहिले सम्म ?

कठोर अग्नि परीक्षा दिन्छौं कहिले सम्म ?

उन्मुक्तिका आवाजहरु दबाउदै

यातना , हिरासत र जेल कहिले सम्म ?

तिम्रो भय लाई आक्रोश बनाउ

तिम्रो विवशतालाई

विवेकपुर्ण आवेग बनाउ,

तिम्रो मौनता लाई विरोध बनाउ

र

तिम्रो मनमा कुडिएका विचारहरु लाई

मसाल बनाएर जलाउ !

तिमि हिडि कि

तिमिले अझै

धेरै अँध्यारा रातहरु छिचोल्नु छ,

तिमी हिडि कि

तिमिले अझै

धेरै समुन्द्री छालहरुमा तैरनु छ,

तिमी हिड कि

तिमिले अझै

धेरै अाँधी-तुफा सङ्ग टकराउनु छ !

तिमी हिड कि

तिम्रो अस्तित्व लाई नकार्ने

ति सबै पुस्तकहरु जलाउनु छ,

तिमी हिडि कि

तिमिले आफ्नै नयाँ ईतिहास रच्नु छ,

तिमी हिड कि

तिमिले अझै न्याय, समानता र स्वतन्त्रताको

लामो लडाइँ लडनु छ !