कालिकोटमा दलित युवालाई सामुहिक कुटपिट गरि भिरमा फालियाे
- By Kite Sansar
- August 14, 2020
- 318
- 0
कालिकोट साबिक कालिका मुग्राहा गाबिस वडा न.४ हाल सुभकालिका वडा न८का पंख बहादुर बिकलाई साउन २६ गते जातीय विभेद गर्दै शाही युवाहरुले निर्मम कुटपिट गरेका छन् । धार्मिक परम्परा अनुसार साउन २६ गते सप्तमी तिथिका दिन सुभकालिका गाँउपालिका वडा न ७ अन्तरगत पर्ने मच्छेवाडी भन्ने ठाउँमा धबलपूरा देबताको पुजा आर्चना साथै मेला समेत लाग्ने भएकोले ५ बर्षको भाइलाई काधमा बोकि उक्त मेलामा जान खोज्दा त्यहिका स्थानीय युवाहरु अर्जुन शाही , कमल शाही युवराज शाही चते सेजुवाल लगाएतका युवाहरुले बाटो छेक्दै ” जातिय गालि गर्दै डाेम कमाराे , सानोजात भएर पनि सान झारेर हिडने ? चस्मा लगाउने ? राजठाट बनेर हिड्ने भन्दै बाटो छेकी जातीय विभेद गर्दै ढुङ्गा र दाउराले कुटपिट गरि भिरबाट खसालिएका थिए ।वरपरका केही ब्यक्तिले देखे पछि पंख बिकलाई उठाएर अस्पताल लगेका थिए ।
उक्त कुटपिटबाट दायाँ खुट्टा भाचिनु साथै घाँटी नचलेको र शरीर सबै शिथिल भएको घाइतेका मामाले बताएका छन् २६ गते राती बाट नै कालिकोटको जिल्ला अस्पतालमा उपचाररत छन् ।
जातीय बिभेदको चरम उत्कर्सको यस्तो घटना हुँदा समेत
४ दिन सम्म घटना मिलाउन केही अगुवा र पार्टीका नेता लागि परेको स्थानीय दलित युवा पुनम बिश्वकर्मा बताउछन् । यस्तो जातीय बिभेदको जघन्य अपराधको घटनालाइ गाउँ मै मिल्नु पर्छ भने अगुवा र नेता लागे तर हामी मानेनौ र आज मात्र जिल्ला प्रहरी कार्यलयमा जातीय छुवाछूतको मुद्दा दर्ता गरेका छौं ।
यता डिएसपि स्यामबाबू ओलियाले भने
अरु सबै गाउँमा के के हुन्छ कति गाउ मै मिल्छन त्यो त थाहा हुदैन तर आज यो जातीय बिभेदको मुद्दा आएको छ दर्ता नि भएको छ घटनामा संम्लग्न ब्यक्ती फरार छन् खोजतलास गर्छौ र कारवाही हुने छ ।
अहिले पनि पीडित परिवारले भने आफुहरुलाइ अशुरक्षित भएको र कसैको पनि साथ नपाएकोमा गुनासो ब्यक्त गरेका छन् ।
कालीकोटमा जातीय बिभेदको यो पहिलो घटना भने होईन । कालिकोट नरहरिनाथ नगरपालिकामा जनप्रतिनिधि मना सार्कीलाई समेत जातीय बिभेद गर्दै कुटिकुटी हत्या गरेका थिए । कालिकोट मै मन बिरे सुनारलाइ चुलो छोइएको निहुँमा शाहीहरुले कुटेर हत्या गरेका थिए ।
थाहा अनलाइन्बाट साभार
