सरिता गिरीले झस्काएको भन्दै विदेशी बुहारीमाथि कठोर बन्न सांसदहरुको सुझाव
- By Kite Sansar
- June 17, 2020
- 280
- 0
काठमाडौं – नागरिकतासम्बन्धी कानुनलाई संशोधन गर्न बनेको विधेयकमाथिको छलफलमा सांसदहरुले फरक–फरक मत राखेका छन् ।
मंगलबार बसेको राज्यव्यवस्था तथा सुशासन समितिको बैठकमा नेपाली कांग्रेसका सांसद र नेकपाका सांसदहरुले फरक मत राखेका हुन् ।
नेकपाका सांसदहरुले बिहे गरेर नेपाल आउने विदेशीलाई ७ वर्ष स्थायी बसोबास गरेपछि मात्र नागरिकता दिनुपर्ने सुझाव प्रस्तुत गरेका थिए ।
पुरूषको हकमा समान हुनुपर्ने, १० वर्ष वा १५ वर्षको अवधि राख्नुपर्ने वा दिनै नहुने तीन थरी धारणा नेकपाका सांसदहरूले नै राखेका थिए ।
नेकपा सांसद पम्फा भुसालले विदेशी बुहारीलाई सहजै नागरिकता दिने कुरा स्वीकार्य नहुने बताएकी छन् । उनले सांसद सरिता गिरीको उदाहरण दिँदै भनिन्, ‘हामीलाई पछिल्लो परिघटनाले महिला उदार हुनुपर्छ भन्ने कुराको खण्डन गरेको छ । विदेशी बुहारीप्रति उदार हुनुपर्छभन्दा नहुने कुरा रहेछ । त्यो संख्या बहुमत भएको भए नयाँ नक्सालाई आधिकारिकता दिन यस पटक गरिएको संविधान संशोधन के हुन्थ्यो होला ? हामीलाई सांसद गिरीको व्यवहारले झस्काएको छ ।’
नेकपा सांसद झपट रावलले बुवाको झैं आमाको नामबाट मात्र नागरिकताको अधिकार दिँदा समाजमा व्यभिचार बढ्ने र महिलाले विदेशीका बच्चा जन्माउने अभियान नै चलाउन सक्ने बताएका थिए ।
कांग्रेसका अर्का सांसद देवेन्द्रराज कँडेलले छोरीलाई समान अधिकारका कुरा सिकाउन नहुने नभए परिवार भाँडिने बताएका थिए ।
समिति सभापति शशी श्रेष्ठले सहमति जुट्न नसकेका विषयहरु टुंगो लगाउने प्रयासस्वरुप मंगलबारबाट छलफल सुरु गरिएको बताइन् । अर्को भोली बुधबार बोलाइएको छ ।
source : kathmandupati
