बर्ड फ्लुको बढ्दो सँक्रमण

• By Kite Sansar
• March 18, 2019
• 865
• 0

• समाचार

चैत्र ४ , काठमाण्डौ ः काठमाडौँको तारकेश्वर सहित हेटौँडा र पोखरामा कुखुरामा बर्ड फ्लुको संक्रमण देखिएको छ ।

बर्ड फ्लुको संक्रमण देखिएपछि यसले महामारी लिन सक्ने तर्फ उच्च सतर्कता अपनाउनुपर्ने देखिएको छ । बर्ड फ्लुलार्इ सामान्य रोगको रूपमा लिदा योले भयानक रूप लिन सक्छ । यसबाट महामारी फैलिएर मानिसको ज्यान समेत लिन सक्ने यो रोग चराबाट मानिसमा सर्ने गर्छ ।

पछिल्लो समय मानिसबाट पनि मानिसमा बर्ड फ्लु सरेको पाइएको छ । यो एउटा सरूवा रोगभित्र पर्ने रोग हो । यसपटक हेटौँडा र काठमाडौँमा विशेष गरि लेयर्स कुखुरामा एच ५ एन वान भाइरसको संक्रमण देखिएको हो ।

के गर्नुपर्छ त बर्ड फ्लुबाट बच्न ।

विशेष गरि कुखुरा तथा पक्षीजन्य क्षेत्रमा काम गर्ने व्यक्तिहरुले सरसफाईमा विशेष ध्यान दिनुपर्ने हुन्छ ।

कुखुरा तथा पक्षीजन्य क्षेत्रमा काम गर्दा मास्क लाएर मात्रै काम गर्ने ।

घरमा पालेको पक्षीको भाँडाकुँडा दिनहुँ सफा गर्ने

मासु एक सय डिग्री तापक्रममा पकाएर मात्रै खाने 

खोरका कुखुरा मर्न थाले अथवा बिरामी पर्न थाले भने तुरन्तै चिकित्सकलाई सम्पर्क गर्ने